ଜାଣନ୍ତୁ ବର୍ଷା ଋତୁରେ କିପରି ନେବେ ନିଜ କେଶର ଯତ୍ନ, ଖାଦ୍ୟ ପେୟରେ ଦିଅନ୍ତୁ ଧ୍ୟାନ

ଋତୁ ପରିବର୍ତ୍ତନ ହେବା ସହିତ ମଣିଷ ଶରୀରରେ ମଧ୍ୟ ପରିବର୍ତ୍ତନ ହୋଇଥାଏ। ଏମିତିକି କେଶର ମଧ୍ୟ ଅନେକ ପରିବର୍ତ୍ତନ ଦେଖାଯାଇଥାଏ।କିନ୍ତୁ ବର୍ଷା ସମୟରେ ମଧ୍ୟ ଆପଣ ନିଜ କେଶର ଯତ୍ନ ନେବା ଦରକାର। ନଚେତ୍ ଅନେକ ଅସୁବିଧାର ସମ୍ମୁଖୀନ ହୋଇ ପାରନ୍ତି। ବର୍ଷା, ଧୂଳି, ଆର୍ଦ୍ରତା ଏବଂ ସୂର୍ଯ୍ୟର କ୍ଷତିକାରକ କିରଣର ଅମ୍ଳୀୟ ଜଳ କେଶର ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ। ଏହି କାରଣରୁ, କେଶକୁ ସଂକ୍ରମଣ ହେବାରୁ ବଞ୍ଚାଇବା ଦରକାର।

ଏପରି ପରିସ୍ଥିତିରେ, କେଶର ଅତିରିକ୍ତ ଯତ୍ନ ନେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଯାଏ। ଯଦି ଠିକ୍ ସମୟରେ କେଶର ଯତ୍ନ ନିଆ ଯାଏ, କେଶ ନଷ୍ଟ ହେବାରୁ ରକ୍ଷା ପାଇବ। ଆପଣ ନିଜ କେଶରେ ବର୍ଷା ଦିନରେ ସେରମ୍ ଲଗାଇବା ଉଚିତ୍ ନୁହେଁ। ଏପରି କରିବା ଦ୍ବାରା କେଶ ଖରାପ ହେବା ସମ୍ଭାବନା ଅଛି। ପୁଣି ତେଲ ମସଲା ଯୁକ୍ତ ଖାଦ୍ୟ ମଧ୍ୟ କେଶ ଖରାପ କରିବାର ବଡ଼ କାରଣ।

ବର୍ଷାରେ କେଶ ଶୀଘ୍ର ଝଡେ। ତେଣୁ ଆପଣ ପିଆଜ ରସ ଲଗାଇବା ଉଚିତ୍। ନିଜ କେଶରେ ଆପଣ ଝୁଣା ଧୂଆଁ ମଧ୍ୟ ଦେଇ ପାରିବେ।
ଆର୍ଦ୍ରତା ଏବଂ ତେଲିଆ ଚର୍ମ ହେତୁ କେଶରେ ଧୂଳି ଜମା ହୋଇଯାଏ। ବର୍ଷା ଜଳ ପାଇଁ ମଧ୍ୟ କେଶ ଖରାପ ହୁଏ। ତେଣୁ ଫଙ୍ଗସ୍ ଏବଂ ବ୍ୟାକ୍ଟେରିଆ ତ୍ୱଚାରେ ଉତ୍ପନ୍ନ ହୁଏ। ଏହା କୁଣ୍ଡେଇ ହେବା ଏବଂ ସଂକ୍ରମଣ ମଧ୍ୟ କରିପାରେ। ତେଣୁ ଲେମ୍ବୁ ମଧ୍ୟ ଆପଣ ଲଗାଇ ପାରିବେ।ଏପରି ପରିସ୍ଥିତିରେ, ଧୂଳି ଏବଂ ପ୍ରଦୂଷଣ ହେତୁ କେଶରେ ଷ୍ଟିକ୍ ହୋଇଯାଏ। ତେବେ ନ୍ୟାଚୁରାଲ ଶାମ୍ପୁରେ କେଶ ସଫା କରିବା ଉଚିତ୍।

ବର୍ଷାରେ କେଶ ଓଦା ହେଲେ କେଶ ଶୁଖାଇବା ପାଇଁ ଏକ ମାଇକ୍ରୋଫାଇବର ଟାୱେଲ ବ୍ୟବହାର କରିବା ଉଚିତ। ଏହା ଜଳକୁ ଭଲ ଭାବରେ ଶୋଷିଥାଏ।ବର୍ଷାରେ ଆପଣଙ୍କ କେଶ ବହୁତ ଦୁର୍ବଳ ହୋଇଯାଏ, ତେଣୁ କେଶକୁ ଓଦା କରିବା ଠାରୁ ଦୂରେଇ ରୁହନ୍ତୁ।

ବର୍ଷା ସମୟରେ କେଶ ଖରାପ ଏବଂ ନଷ୍ଟ ହେବାକୁ ଲାଗେ। ଏଭଳି ପରିସ୍ଥିତିରେ କେଶକୁ ଯଥାସମ୍ଭବ ହାଲକା ହାତରେ ଟାଣନ୍ତୁ। କେଶ ଧୋଇବା ପରେ ତୁରନ୍ତ ପାନିଆ ବ୍ଯବହାର କରନ୍ତୁ ନାହିଁ। ପୁଣି ଅନ୍ୟ କାହାର କମ୍ୱ ମଧ୍ୟ ବ୍ଯବହାର କରନ୍ତୁ ନାହିଁ।

ସୁସ୍ଥ କେଶ ପାଇଁ ଏକ ଭଲ ଡାଏଟ ମଧ୍ୟ ଜରୁରୀ। କେଶର ସ୍ୱାସ୍ଥ୍ୟ ବଜାୟ ରଖିବା ସହିତ ଘରୋଇ ଉପଚାର ଗ୍ରହଣ କରିବା ସହିତ ଭଲ ଖାଦ୍ୟ ଗ୍ରହଣ କରିବା ମଧ୍ୟ ଜରୁରୀ ଅଟେ। ଖାଦ୍ୟରେ ଭିଟାମିନ୍ ଏ, ଭିଟାମିନ୍ ବି, ଭିଟାମିନ୍ ସି, ଭିଟାମିନ୍ ଡି, ଭିଟାମିନ୍ କେ, ଭିଟାମିନ୍ ଇ, କ୍ୟାଲସିୟମ୍, ପ୍ରୋଟିନ୍, ଓମେଗା 3 ଅନ୍ତର୍ଭୁକ୍ତ କରିବା ଉଚିତ୍। ଏହା ବ୍ୟତୀତ ଜିଙ୍କ ଏବଂ ଆଇରନ୍ ପରି ଖଣିଜ ପଦାର୍ଥରେ ଭରପୂର ଖାଦ୍ୟ ଆପଣଙ୍କ କେଶ ପାଇଁ ଅତ୍ୟନ୍ତ ଲାଭଦାୟକ ଅଟେ। ତେଲ ମାଲିସ୍ କରିବାକୁ ଭୁଲନ୍ତୁ ନାହିଁ। କେଶ ଧୋଇବା ପୂର୍ବରୁ ହାଲକା ହାତରେ କେଶରେ ତେଲ ମାଲିସ୍ କରନ୍ତୁ। ବର୍ଷାରେ ନଡ଼ିଆ ତେଲ ବ୍ୟବହାର କରିବା ଭଲ। ଏଥିରେ ଥିବା ଆଣ୍ଟି-ଅକ୍ସିଡାଣ୍ଟ, ଆଣ୍ଟିଫଙ୍ଗଲ୍ ଏବଂ ଆଣ୍ଟିଭାଇରାଲ୍ ଗୁଣ ତ୍ୱଚାର ସ୍ୱାସ୍ଥ୍ୟ ବଜାୟ ରଖେ। କେଶ ମାଲିସ୍ ଦ୍ୱାରା ତ୍ୱଚାରେ ରକ୍ତ ସଞ୍ଚାଳନ ବୃଦ୍ଧି ପାଇଥାଏ। ଏହା କେଶ ଝଡ଼ିବା ସମସ୍ୟାକୁ ହ୍ରାସ କରିଥାଏ।

Leave A Reply

Your email address will not be published.