ଜଳପଥରୁ ଭାରତକୁ ଆତଙ୍କବାଦୀ ଆକ୍ରମଣ ଯୋଜନା, ଗୁଇନ୍ଦା ସୂଚନା ପରେ ଭାରତୀୟ ନୌସେନା ସଜାଗ

ଜଳପଥରେ ସମ୍ଭାବ୍ୟ ଆକ୍ରମଣ ଆଶଙ୍କା। ସମୁଦ୍ର ପଥ ଦେଇ ଭାରତକୁ ପଶିବାକୁ ଚେଷ୍ଟା କରୁଛନ୍ତି ଆତଙ୍କବାଦୀ । ଏନେଇ ସୂଚନା ଦେଇଛନ୍ତି ଭାରତୀୟ ନୌସେନା ମୁଖ୍ୟ ଆଡମିରାଲ କରମବୀର ସିଂହ । ପାକିସ୍ତାନର ଆତଙ୍କବାଦୀ ସଂଗଠନ ଜୈଶ ଏ ମହମ୍ମଦ ଆତଙ୍କବାଦୀ ଗତିବିଧି ବୃଦ୍ଧି ପାଇଥିବା ଭାରତୀୟ ଗୁଇନ୍ଦା ସୂଚନା ଦେଇଛି। ସମୁଦ୍ର ପଟୁ ଆକ୍ରମଣ ପାଇଁ ଜୈଶ ଏ ମହମ୍ମଦ କିଛି ଯୁବକଙ୍କୁ ପ୍ରଶିକ୍ଷଣ ଦେଉଛି । ତେବେ ଜୈସର ଗତିବିଧି ଉପରେ ନୈସେନା ନଜର ରଖିଛି । ଯେ କୌଣସି ପ୍ରକାର ମୁକାବିଲା ପାଇଁ ନୌସେନା ପ୍ରସ୍ତୁତ ଅଛି । ସମୁଦ୍ର ତଟବର୍ତ୍ତୀ ଅଞ୍ଚଳରେ ହାଇଆଲର୍ଟ ଜାରି ହୋଇଛି । ପୂର୍ବରୁ ଭାରତର ପୂର୍ବ ଓ ପଶ୍ଚିମ ସମୁଦ୍ରତଟରେ ୭୫୧୪ କିମି ତଟରେ ସୁରକ୍ଷାକୁ କଡ଼ାକଡ଼ି କରାଯାଇଛି । ଏଥିସହ ସମସ୍ତ ଜାହାଜ ଓ ଡଙ୍ଗାମାନଙ୍କର ଗତିବିଧି ଉପରେ ସତର୍କ ନଜର ରଖାଯାଇଛି। ସମୁଦ୍ରରେ ରାଡାର ମାଧ୍ୟମରେ ଗତିବିଧି ଉପରେ ତୀକ୍ଷ୍‌ଣ ନଜର ରଖାଯାଇଛି। ଜମ୍ମୁ କଶ୍ମୀରରେ ଧାରା ୩୭୦ର ଉଚ୍ଛେଦ ଓ ଦୁଇଦେଶ ମଧ୍ୟରେ ଦେଖାଦେଇଥିବା ତିକ୍ତତା ପରେ ପାକ୍‌ ଆତଙ୍କବାଦୀ ମାନେ ସକ୍ରିୟ ହୋଇଉଠିଛନ୍ତି l ୨୦୦୮ରେ ପାକିସ୍ତାନୀ ଆତଙ୍କବାଦୀ ଭାରତର ମାଛଧରା ଡଙ୍ଗାକୁ ହାଇଜାକ୍‌ କରି ଭାତରରେ ପ୍ରବେଶ କରିଥିଲେ। ୨୦୦୮ରେ ୧୦ ପାକିସ୍ତାନୀ ଆତଙ୍କବାଦୀ ସମୁଦ୍ର ପଥ ଦେଇ ମୁମ୍ବାଇରେ ପ୍ରବେଶ କରିଥିଲେ। ଆକ୍ରମଣରେ ୧୬୩ ଜଣଙ୍କ ମୃତ୍ୟ ହୋଇଥିଲା। ଆହତ ହୋଇଥିଲେ ୩ଶହ ଜଣ।

 

Leave A Reply

Your email address will not be published.