ପିତୃପକ୍ଷରେ ନୂଆ ପୋଷାକ, ଗାଡ଼ି, ଗହଣା କିଣିବା ଶୁଭ ନା ଅଶୁଭ, ଜାଣନ୍ତୁ କ’ଣ କହେ ଶାସ୍ତ୍ର

ପିତୃପକ୍ଷ ବା ଶ୍ରାଦ୍ଧପକ୍ଷକୁ ନେଇ ଅଧିକାଂଶ ଲୋକଙ୍କ ଧାରଣା ଥାଏ ଯେ ଏହି ସମୟ ଅତ୍ୟନ୍ତ ଅଶୁଭ ହୋଇଥାଏ। ଏ ଅବସରରେ କୌଣସି ଜିନିଷ କିଣିବା ଅନୁଚିତ। କାରଣ ଏହି ସମୟରେ ପୂର୍ବପୁରୁଷ ପୃଥିବୀକୁ ପରିଜନଙ୍କ ସହ ରହିବାକୁ ଆସିଥାନ୍ତି। ଏଣୁ ଏହି ସମୟରେ କିଛି ନୂଆ ଜିନିଷ କିଣାକିଣି କରିବାକୁ କିଛି ଲୋକ ମନା କରିଥାନ୍ତି। କିନ୍ତୁ ଜ୍ୟୋତିଷ ଶାସ୍ତ୍ର ଅନୁସାରେ ଏଭଳି ଚିନ୍ତା କରିବା ଭୁଲ। ପିତୃପକ୍ଷ ବିଷୟରେ ଏଭଳି କଥା ଶାସ୍ତ୍ରରେ କୌଣସି ସ୍ଥାନରେ ଲେଖାଯାଇନାହିଁ ବୋଲି ଶାସ୍ତ୍ରବିତ୍‌ମାନେ ମତ ଦିଅନ୍ତି। ତେବେ ଆସନ୍ତୁ ଜାଣିବା ପିତୃପକ୍ଷରେ ନୂଆ ଜିନିଷ କିଣିବା ଶୁଭ ନା ଅଶୁଭ…

pitrupakhya2

ଲୋକଙ୍କ ଧାରଣା ରହିଛି ଯେ ପିତୃପକ୍ଷରେ ନୂଆ ଜିନିଷ କିଣାକିଣି କଲେ ପୂର୍ବପୁରୁଷ ଅସନ୍ତୁଷ୍ଟ ହୋଇଥାନ୍ତି। ଏଣୁ ଦରକାର ଥିଲେ ବି କିଛି ଲୋକ ଏହି ସମୟ ମଧ୍ୟରେ କିଛି ନୂଆ କାମ ଆରମ୍ଭ କରିନଥାନ୍ତି। କିନ୍ତୁ ଜ୍ୟୋତିଷଙ୍କ କହିବାନୁସାରେ ପିତୃପକ୍ଷ ଆଦୌ ଅଶୁଭ ନୁହେଁ। ଶାସ୍ତ୍ରରେ ଏନେଇ କିଛି ବି ଉଲ୍ଲେଖ ନାହିଁ।

ପିତୃପକ୍ଷରେ ଅପରାଧିକ, ଅମାନବୀୟ ତଥା ସବୁ ପ୍ରକାରର ଭୁଲ କାମରୁ ବିରତ ରହିବା ଉଚିତ। ଏହି ସମୟରେ କାହାର ବି ମନ୍ଦ ଚିନ୍ତା କରିବା ଉଚିତ ନହେଁ। ପିତୃପକ୍ଷକୁ ଅନ୍ୟ ଦିନ ଭଳି ହିଁ ଶୁଭ ବିବେଚନା କରାଯାଏ। ଏହି ସମୟରେ ପୂର୍ବପୁରୁଷ ଆମ ଘରକୁ ଆସିଥାନ୍ତି, ଯାହା ଏକ ଖୁସିର କଥା। ଏହି ସମୟରେ ତାଙ୍କ ଶ୍ରାଦ୍ଧ କରି ଆଶୀର୍ବାଦ ନେବା ଉଚିତ।

Leave A Reply

Your email address will not be published.