ସେଦିନର ଚଷା ପୁଅ ଆଜି ଉପରାଷ୍ଟ୍ରପତି, ଏମିତି ଥିଲା ଧନଖଡଙ୍କ ଜୀବନ ଯାତ୍ରାର କାହାଣୀ

ଆଜି ଅର୍ଥାତ ଅଗଷ୍ଟ ୬ ତାରିଖ ଭାରତର ଉପରାଷ୍ଟ୍ରପତି ଭାବେ ନିର୍ବାଚିତ ହେଲେ ଜଗଦୀପ ଧନଖଡ଼ । ପୂର୍ବରୁ ପଶ୍ଚିମ ବଙ୍ଗର ରାଜ୍ୟପାଳ ଥିବା ଶ୍ରୀଯୁକ୍ତ ଧନଖଡ଼ ୫୨୮ ଖଣ୍ଡ ଭୋଟ ପାଇ ଉପରାଷ୍ଟ୍ରପତି ନିର୍ବାଚନରେ ବିଜୟୀ ଘୋଷିତ ହୋଇଛନ୍ତି | ଜନତା ଦଳ ଟିକେଟରେ ଲୋକସଭା ନିର୍ବାଚନ ଲଢିବା ଠାରୁ ପଶ୍ଚିମବଙ୍ଗର ରାଜ୍ୟପାଳ ପଦରେ କାର୍ଯ୍ୟ କରିବା ପର୍ଯ୍ୟନ୍ତ ଲମ୍ବା ରାଜନୈତିକ କ୍ୟାରିଅର ଦେଇ ଗତି କରିଛନ୍ତି ଶ୍ରୀଯୁକ୍ତ ଧନଖଡ । ୧୯୫୧ ମେ ୧୮ ତାରିଖରେ ରାଜସ୍ଥାନର ଝୁଞ୍ଝୁନୁ ଜିଲ୍ଲାର କିଠାନା ଗାଁରେ ଏକ ଗରିବ ଜାଠ ପରିବାରରେ ଜନ୍ମ ଗ୍ରହଣ କରିଥିଲେ। ଯେତେବେଳେ ଉପରାଷ୍ଟ୍ରପତି ପଦ ପାଇଁ ତାଙ୍କ ନାଁ ଘୋଷଣା ହୋଇଥିଲା ନିଜକୁ ଚଷା ପୁଅ ବୋଲି କହିଥିଲେ ଧନଖଡ଼ । ବାଲ୍ୟକାଳରେ ଚିତ୍ତୋଗଡ଼ ସୈନିକ ସ୍କୁଲରେ ଶିକ୍ଷାଲାଭ ପରେ ରାଜସ୍ଥାନ ବିଶ୍ୱବିଦ୍ୟାଳୟରୁ ବିଜ୍ଞାନରେ ସ୍ନାତକ ପାସ କରିଥିଲେ । ପରେ ଏଲଏଲବି ପାଠପଢା ଶେଷ କରି ରାଜସ୍ଥାନ ହାଇକୋର୍ଟରେ ଓକିଲ ଭାବେ ପେଶା ଆପଣାଇଥିଲେ।

Exclude Vice-President Candidate Jagdeep Dhankhar's Name From Chamber  Allotment List : SCBA President Writes To Supreme Court On His Request

ରାଜସ୍ଥାନରେ ଜାଠଙ୍କୁ ସଂରକ୍ଷଣ ଦେବାରେ ପ୍ରମୁଖ ଭୂମିକା ଗ୍ରହଣ କରିଥିଲେ ଜଗଦୀପ ଧନଖଡ଼ । ଏହା ତାଙ୍କ ରାଜନୈତିକ ଜୀବନକୁ ସୁଦୃଢ କରିଥିଲା । ୧୯୮୯ରେ ଝୁଞ୍ଝୁନୁ ଲୋକସଭା ଆସନରୁ ଜନତା ଦଳ ଟିକେଟରେ ସାଂସଦ ଭାବେ ନିର୍ବାଚିତ ହୋଇଥିଲେ । ୧୯୮୯ରୁ ୧୯୯୧ ପର୍ଯ୍ୟନ୍ତ ସେ କେନ୍ଦ୍ରମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ । କିନ୍ତୁ ୧୯୯୧ରେ ଟିକେଟ ନମିଳିବାରୁ ସେ କଂଗ୍ରେସରେ ସାମିଲ ହୋଇଥିଲେ । ୧୯୯୩ରେ କଂଗ୍ରେସ ଟିକେଟରେ ଆଜମେରର କିଶନଗଡ଼ ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ । ୨୦୦୩ରେ ବିଜେପିରେ ସାମିଲ ହୋଇଥିଲେ ଧନଖଡ଼ । ୨୦୧୯ ଜୁଲାଇ ୩୦ ତାରିଖରେ ପଶ୍ଚିମବଙ୍ଗର ରାଜ୍ୟପାଳ ନିଯୁକ୍ତ ହୋଇଥିଲେ। ରାଜ୍ୟପାଳ ଥିବା ବେଳେ କ୍ଷମତାସୀନ ଟିଏମସି ସରକାର ସହ ବିବାଦ ନେଇ ସବୁବେଳେ ଚର୍ଚ୍ଚାରେ ଥିଲେ ଜଗଦୀପ ଧନଖଡ଼। ୫୦ବର୍ଷ ଧରି ରାଜନୀତିରେ ସକ୍ରିୟ ଅଛନ୍ତି ଧନଖଡ଼।

 

 

Leave A Reply

Your email address will not be published.