ନିଶ୍ୱାସ ନେଉଥିବା ‘ବୃକ୍ଷ’ ର ଭିଡିଓ ହେଉଛି ଭାଇରାଲ, ଆପଣ ଦେଖି ଆଶ୍ଚର୍ଯ୍ୟ ହୋଇଯିବେ

ଦୁନିଆରେ ଅନେକ ଅଜବ ଅଜବ ଜିନିଷ ଦେଖିବାକୁ ମିଳୁଛି। ଏବେ ପୁଣି ଅଧିକ ସୋସିଆଲ ମିଡିଆରେ ଭାଇରାଲ୍ ହେବାକୁ ଲାଗୁଛି ଅନେକ କିଛି। ତେବେ ଆପଣ ଜାଣିଥିବେ ପୃଥିବୀରେ ବଞ୍ଚିବାକୁ ହେଲେ ଅମ୍ଳଜାନ ନିହାତି ଦରକାର। ଦୁନିଆରେ ଯେକୌଣସି ଜୀବ ଜନ୍ମ ଗ୍ରହଣ କରନ୍ତି ନିଶ୍ୱାସ ନେବା ବିନା କେହି ମଧ୍ୟ ବଞ୍ଚିବା କଷ୍ଟକର। ଆପଣ ଜାଣିଥିବେ ବୃକ୍ଷ ଅଙ୍ଗାରକାମ୍ଳ ନିଏ ଓ ଅମ୍ଳଜାନ ପରିବେଶକୁ ଛାଡ଼ିଥାଏ। କିନ୍ତୁ କେବେ ଦେଖିଛନ୍ତି କି କୌଣସି ଗଛ ନିଶ୍ୱାସ ନେବା। କିନ୍ତୁ ଏପରି ଏକ ଗଛର ଭିଡ଼ିଓ ଭାଇରାଲ ହେଉଛି ଯିଏକି ନିଶ୍ୱାସ ନେଉଛି। ଏହି ଭିଡ଼ିଓ ଦେଖି ଅନେକ ଲୋକ ଆଶ୍ଚର୍ଯ୍ୟ ହୋଇଛନ୍ତି।

ଗଛ କାଟିବା ସମୟରେ ଏକ ଘଟଣା ଲୋକମାନଙ୍କୁ ଆଶ୍ଚର୍ଯ୍ୟ କରିଥିଲା, ଯାହା ଲୋକମାନେ ପୂର୍ବରୁ କେବେ ଦେଖି ନଥିଲେ। ଯେଉଁଠାରେ ଗଛର କଡ଼ରେ ଫାଟ ସୃଷ୍ଟି ହୋଇଛି ଏବଂ ସେ ପ୍ରବଳ ଜୋରରେ ନିଶ୍ୱାସ ନେଉଛି।ଏହି ଗଛର ନାମ ହେଉଛି କ୍ରିପି ଟ୍ରି। ଏହି ଗଛର ଏକ ଭିଡିଓ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଅନେକ ସୋସିଆଲ ମିଡିଆ ବ୍ୟବହାରକାରୀ ଆଶ୍ଚର୍ଯ୍ୟ ହୋଇଯାଇଛନ୍ତି। ଯେତେବେଳେ କି ବିଜ୍ଞାନ ମଧ୍ୟ କହିଛି ଯେ ମଣିଷ ପରି ଉଦ୍ଭିଦ ମଧ୍ୟ ଜୀବିତ। ଗଛ କାଟିବା ସମୟରେ ଏପରି ଘଟଣା ଦେଖିବାକୁ ମିଳିଥିଲା। ଭିଡିଓରେ କାନାଡାର କେଲଗରୀରେ ଏହି ଘଟଣା ଦେଖାଯାଇଛି, ଯେଉଁଠାରେ ଏକ ଗଛର ମଝି ଫାଟି ଯାଇଛି ଏବଂ ସେ ପ୍ରବଳ ଜୋରରେ ନିଶ୍ୱାସ ନେଉଛି। ଏହି ଘଟଣା କ୍ୟାମେରାରେ ଜଣେ ବ୍ୟକ୍ତି କଏଦ କରିଥିଲେ। ଜୁନ୍ ମାସରେ, ପ୍ରବଳ ବର୍ଷା ଏବଂ ପ୍ରବଳ ପବନ ପରେ କଲଗରୀରେ ଏପରି ଦେଖା ଯାଇଥିଲା। ତେବେ ବ୍ୟକ୍ତି ଜଣକ କହିଥିଲେ, ସେମାନେ ଯାଉଥିବା ସମୟରେ ସେହି ଅଞ୍ଚଳରେ କିଛି ଜିନିଷ ନିଆଯାଉଥିଲା ଏବଂ ସେହି ଶବ୍ଦ ଶୁଣି ସେମାନେ ଗଛକୁ ଦେଖିଥିଲେ।


ସେ ଆହୁରି ମଧ୍ୟ କହିଛନ୍ତି ଯେ ହୁଏତ ଅଧିକ ପବନର ବେଗ ଗଛକୁ ଏପରି ନିଶ୍ୱାସ କରିପାରେ। ଭିଡିଓ ସହ ସେୟାର ହୋଇଥିବା କ୍ୟାପସନରେ ସେ ଏହା ଲେଖିଛନ୍ତି। ଏହି ଭିଡିଓକୁ ୫.୫ ମିଲିୟନରୁ ଅଧିକ ଥର ଦେଖାଯାଇଛି ଏବଂ ଅନଲାଇନରେ ଅନେକ ଲୋକ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। ଉପଭୋକ୍ତା କହିଛନ୍ତି ଯେ ସେମାନେ ନିଜ ଜୀବନରେ ଏହିପରି କିଛି ଦେଖିନଥିଲେ ଏବଂ ଦୃଶ୍ୟଟି ଚଳଚ୍ଚିତ୍ର ପରି ଦେଖାଯାଉଥିଲା। ଭିଡିଓକୁ ଭୟାନକ ଭାବରେ ବର୍ଣ୍ଣନା କରି ଜଣେ ଉପଭୋକ୍ତା ଲେଖିଛନ୍ତି ଯେ ଏହା ‘ଅପରିଚିତ ଜିନିଷ’ ପରି ଦେଖାଯାଉଛି, ଯେଉଁଠାରେ ହୁଏତ କୌଣସି ଅଲୌକିକ ଜିନିଷ ରହିଛି। ଅନ୍ୟ ଜଣେ ଉପଭୋକ୍ତା ଭିଡିଓକୁ ଫ୍ରିକି ବା ସ୍ତ୍ରେଞ୍ଜ ବୋଲି କହିଛନ୍ତି।

ଭିଡିଓ ଦେଖିବା ପରେ ଜଣେ ଉପଭୋକ୍ତା ଲେଖିଛନ୍ତି, ‘ଲାଗୁଛି ଯେ ଏଠାରେ ଭୂମିରେ କିଛି ହୋଇଛି। ଏମିତିକି ଅନେକ ଉପଭୋକ୍ତା ଭିନ୍ନ ଭିନ୍ନ ପ୍ରଶ୍ନ କରିଛନ୍ତି। ତେବେ ଏହି ଭିଡ଼ିଓ ରେକର୍ଡ଼ିଂ କରିଥିବା ବ୍ୟକ୍ତି ଏହା ମଧ୍ୟ କହିଛନ୍ତି ଯେ ହୁଏତ ଏହା ଜୀବିତ ଥିବା ଗଛ। ତେବେ ଏହି ଭିଡ଼ିଓରେ ଥିବା ଜଙ୍ଗଲକୁ ଡଫି ମୋସି ଜଙ୍ଗଲ ମଧ୍ୟ କୁହାଯାଏ।

Leave A Reply

Your email address will not be published.